Prc: s'ultimatum de su segretariu regionali Fresu a s'assessori Micheletti (Crabònia-Igrèsias)

(IlMinuto) - Casteddu, 19 de su mes''e ledaminis - O a foras de sa magiorànzia o a foras de su partidu. Est custu s'ultimatum chi su segretariu regionali de su Prc, Gianni Fresu, ponit a is rappresentantis de Rifondazione in su Consillu provinziali de Crabònia-Igrèsias e in sa Giunta de custa provìnzia. "A pustis de s'annullamentu de sa Giunta - narat Fresu - est nàscia una noa magiorànzia fatta de su Prc, de una minorànzia de su Pd, de is socialistas, de s'Udc, de is Riformatori de Fantola, de su Psdaz e de sa Pdl. A sa Giunta noa - fatta a pustis de s'aprou de su Bilaànciu de "previsione" - apartennit puru s'assessori de su Prc Cinzia Micheletti, impari a "is esponentis chi faint claramenti parti de su centrudestra". "Arremaciendi - narat su segretariu regionali de su Prc - sa bessida nostra de sa magiorànzia, pedeus a is nostrus duus rappresentantis de fai sa própriu cosa: su gruppu in Consillu provinziali depit pigai is distànzias de sa magiorànzia e de sa Giunta; s'assessori depit lassai su mandau e bessiri de sa Giunta. In casu contràriu eus a depi pigai attu ca is isceltas politicas insoru traixint su mandau de is elettoris e funt in cuntrastu cun sa línia politica de su Prc e duncas cun su Partidu".