Primarias Pd: Barracciu de Lai, "At scavau su fossu a sa Giunta Soru"

(IlMinuto) - Casteddu, 20 de su mes''e ledaminis - A pagus diris de is elezionis primarias de su 25 de su mes''e ledaminis crescit sa tensioni tra is candidaus a sa segreteria regionali de su Partito Democratico. Sa candidada de sa mozioni Franceschini Francesca Barracciu arribbat a imputai a Silvio Lai (mozioni Bersani) sa responsabbilidadi de sa ruina de sa Giunta Soru. "Arregordu a Lai - narat sa Barracciu a Rosarossaonline.it - ca su Pd at giai fattu sa cuinta culunna voluntariosa de sa destra candu, in sa legisladura passada, sa parti de su gruppu consiliari guidada de cussu e totu at scavau su fossu a sa Giunta guidada de Renato Soru finzas a essi sa causa de is dimissionis de Soru e at fattu su própriu, in campagna elettorali po is elezionis regionalis, candu medas nòminis connotus ant traballau po su votu disgiuntu.