Riforma universitaria: in Sardigna est giai ribellione "anti-Gelmini". Atóbiu su 12 de su mes''e totussantus in Casteddu

30 Ladàminis 2009
(IlMinuto) – Casteddu, 30 de su mes''e ledaminis - "Sa conoscènzia est unu fattu soziali e nosu no seus in su mercau". Cun custus fueddus su gruppu de is istudiantis universitarius narat no cun d'unu documentu - iscrittu in Facebook - a sa riforma universitaria de su ministru Mariastella Gelmini e prus in generali "a unu processu, europeu e globali, fattu cun su fin''e creai unu mercau de sa conoscènzia". Po chistionai de su tema su gruppu at convocau po su 12 de su mes''e totussantus, a is 17.00, un'atóbiu in sa Facoltadi de Lettere, aula magna de s'intrada de via Trentino. "Applichendi sa lógica de s'impresa a s'instruzioni pubblica - si podit liggiri in d'una nota - si trasformat in d'un'area de profittu cussu chi est pubblicu e soziali". Puru su Prc de sa Sardigna est prontu a si mobilitai contra sa riforma universitaria. "A su contràriu de cantu sussedit in Germania e in aterus logus europeus - scrint Gianni Fresu e Matteo Quarantiello - in Italia si confirmant is taglius a s'instruzioni pubblica e si cumenzat una riforma universitaria chi aumentat su precariau e chi bollit trasformai is ateneus in aziendas, imponendi critérius de meritu fattus scéti po sa competitividadi economica e cuntràrius a su dirittu a s'istudiu". "In s'isola nostra - spiegat Rifondazione - est previdia sa morti de medas facoltadis. Si castiaus a sa riforma, bideus ca is ateneus chi no tenint 1500 maistus no ant a podi tenni prus de sesi facoltadis, contra is 11 de Casteddu e Tàtari".
© RIPRODUZIONE RISERVATA
Tags