Sanidadi Diana (Pd), "De sa Giunta 100 millionis de eurus a is ispidalis privaus"

(IlMinuto) – Casteddu, 9 de su mes''e ledaminis - "Sa Giunta Cappellacci est faendi cumprendi ai is sadrus s'idea chi tenit de sa sanidadi est a nai de sa sanidadi pubblica: un'ocupazioni continu de is cadiras". Est custu su giudíziu de su candidau a sa segreteria de su "Partito Democratico", Giampaolo Diana, in meritu a sa politica sanitaria portada innantis de su guvernu regionali de centrudestra. "Liggeus in is giornalis - precisat Diana - ca s'esecutivu, senz''e su Presidenti, at delliberau s'órdini de 100 millionis de eurus po is ispidalis privaus. Fadendi custu sa giunta at torrau a curregi is ispesas po is istruturas convenzionadas, senz''e pensai (...) ca cun meda fatiga, in is ùltimus annus, s'ispesa pubblica furiat torrada giusta. In modu privu de responsabbilidadi - serrat su consilleri de su Pd - su centrudestra si ponit su pensamentu de agiudai is ispidalis privaus mentris lassat in su caos is Asl, cummissariadas senz'e motivu e bloccadas de mesis".