Sardigna Natzione: "Tentativu de fait foras sa Sardigna de s'Europa"

(IlMinuto) – Casteddu, 28 de su mes''e ledaminis - "Chi at cuau su sadru a s'Europa?. Est cantu dimandat cun d'una nota stampa su Consillu nazionali de Sardigna Natzione. Cun su documentu su movimentu indipendentista dinunziat s'ausenzia, chi no tenit nesciuna spiegazioni, de s'ischeda po sa língua sadra in su "Terzu raportu de s'Italia po fai sa Convenzioni cuadru po sa protezioni de is minorànzias nazionalis" aprovau de su Consillu d'Europa su primu de su mes''e fiàrgiu 1995, e a pustis ratificau de su Presidenti de sa Repubblica Oscar Luigi Scalfaro in su 1997. In su documentu - dinunziat Sardigna Nazione - su sadru est citau tra is línguas de is minorànzias istoricas de sa repubblica, ma "su Stadu italianu at mancau in s'òbbligu pigau cun sa ratifica de sa Convenzioni". "Sardigna natzione - spiegat su movimentu de Bustianu Cumpostu - protestat cun firmesa contra a cust'ateru tentativu de fait foras sa Sardigna de s'Europa e pedit a su presidenti de su Guvernu regionali de fai totu cantu est possíbbili cun su ministeru interessau e de assegurai eventualis responsabbilidadis de parti de funzionarius e de totus cussus chi teniant cómpitus de resposabbilidadi in sa trasmissioni de is datus e in sa predisposizioni de s'ischeda po sa língua sadra".