Andendi abia s'internazionalizzazioni de is nazionis senz''e istadau. In Orgòsolo s'atóbiu boffiu de A Manca

(IlMinuto) - Casteddu, 5 de su mes''e totussantus - Costruiri nazionis senz''e istadu. Cun custu obbiettivu A Manca pro s'Indipendentzia at aprontau po su 6, su 7 e s'8 de su mes''e totussantus (Orgòsolo, àula comunali) un'atóbiu cun is rappresentantis de is populus senz''e istadu in Europa. In su manifestu de Amp ddoi funt - tra is ateras - sa bandera de sa Sardigna, de sa Corsica e cussa basca. "Su ai sceberau sa bidda de Orgòsolo - si liggit in d'una nota - no est casuali, poita ocannu seus arribbaus a fai corant'annus de su fattu de Pratobello, chi iat portau in su 1968 is abitantis a impediri a is ocupantis italianus, cun d'una mobilitazioni popolari meda manna, de fai basis militaris in su territoriu comunali".