Andendi a s'Internazionalizzazioni de is Nazionis senz''e Stadu: Sa "Carta di Orgosolo"

(IlMinuto) – Casteddu, 11 de su mes''e totussantus - Movit is primus passus s'internazionali de is Nazionis senz''e Stadu. In is diris de su 6, 7, e 8 de su mes''e totussantus s'est tentu in Orgòsolo - in su corantesimu anniversàriu de sa furriada de Pratobello - su primu atóbiu internazionali promòviu de A Manca pro s'Indipendentzia, cun sa participazioni de is rappresentanzias de is organizzazionis indipendentistas corsicas, catalanas, bascas e aragonesas. S'atóbiu at portau, a pustis de tres diris de acaramentu, a scriri sa "Carta di Orgosolo", trassa de intentus firmau de A Manca pro s'Indipendentzia, Sindacadu de Sa Natzione Sarda, Maulets (Gioventudi indipendentista - catalana) e Manca Naziunale (Corsica): unu primu passu po creai s'Internazionali de is indipendentistas marxistas. "Addirint a s'Internazionali - si podit liggiri in sa Carta - cussas organizzazionis indipendentistas chi praticant s'anticapitalismu e chi tenint comenti obbiettivu sa costruzioni de una soziedadi socialista, riconoscendi ca is traballantis funt su motori de sa liberazioni nazionali e soziali".