Auditorium Prazza Dettori: Ben Amara (Pdci), "Afidamentu senz''e bandu e senz''e trasparenzia"

(IlMinuto) – Casteddu, 16 de su mes''e totussantus - Poita su Comunu de Casteddu at afidau sa gestioni de s'Auditorium de Prazza Dettori - e de is àulas de s'ex liceu Artisticu chi s'agatat a su costau de custu - a s'Iscola de arti Drammatica de Casteddu? Poita s'afidamentu esti stetiu donau "Senz''e bandu e senz''e trasparenzia in is critèrius adotaus"? Est cantu dimandat, cun d'un'interrogazioni a su síndigu Floris e a sa Giunta, su consilleri comunali de su Pdci in Casteddu Radouan Ben Amara. "In d'una cittadi aundi ddoi est mancànzia de logus po is rassignas artísticas de vàriu tipu - osservat Ben Amara - aundi s'amministrazioni tenit dificultadi a agatai logus senz''e si depi acollai ispesas mannas, s'est renunziendi a un'ispaziu pubblicu chi diventat aici ispaziu privau".