Giacomo Meloni (Css): cummissàriu estraordinàriu po s'Ersu de Casteddu

(IlMinuto) – Casteddu, 19 de su mes''e totussantus - Sa nómina de unu cummissàriu estraordinàriu po s'Ersu de Casteddu "po torrai a sa régula  amministrativa violada". Esti cantu pedit, cun d'una lítera mandada a su presidenti de sa Giunta regionali Ugo Cappellacci, su segretariu generali de sa "Confederazione sindacale sarda" Giacomo Meloni. Segundu sa Css su presidenti provisóriu de s'Enti, Giancarlo Nonnoi, "iat ai fattu cosas chi no funt cumpatìbilis cun s'ordinaria amministrazioni" comenti s'aprou de su Statutu de s'Enti e su ai pigau dirigentis chi beniant de aterus entis e agenzias. "Bia sa cantidadi e su valori de is attus amministrativus fattus in clara inosservànzia de lei", sa Css pedit  chi "bengat nominau unu cummissàriu estraordinàriu, aicci comenti si fut fattu, mancai in ritardu, po s''Agenzia del Lavoro'".