Instruzioni: su "Comitato precari Cagliari" fait una petizioni popolari contra a "su sciàsciu de s'iscola

(IlMinuto) – Casteddu, 23 de su mes''e totussantus - Sa criadura de 300 iscolas sadras, su ai perdiu 2448 postus de traballu, tra maistus e aterus traballantis de s'iscola, su ai boffiu fai classis cun medas istudiantis, su ai liau su dirittu a s'istudiu a numerosus istudiantis diversamenti abilis, ant essi custas, tra duus annus, is conseguènzias de is dezzisionis de su Ministeru de s'"Istruzione" po s'iscola pubblica in Sardigna. Unu prozzessu de diroccamentu de s'instruzioni pubblica chi fait in modu ca su "Comitato precari della Scuola pubblica di Cagliari" sigat sa lota cumenzada tempus fait cun d'una petizioni po pediri a su Consillu regionali de "obèrriri una vertenza Stadu-Regioni chi torrit a poni in primu pianu s'importanzia de un'iscola de calidadi". S'iniziativa esti stetia presentada cenàbara a merì in is appusentus de "Società umanitaria", in Casteddu. "Is firmatarius - si podit liggiri in su documentu - pensant siat nezzessariu fai una politica regionali de defensa po tutelai s'iscola pubblica de s'Isola, prim''e totu arrafudendi s'accordu 'Baire-Gelmini' chi, faendi pesai a is cassas regionalis s'accidenti causau de sa politica de su Guvernu, aggravat sa condizioni de is traballantis de s'iscola e rappresentat àncora una borta un'afrontu a s'autonomia ispeciali". Is promotoris de sa petizioni pedint chi su futuru de is levas noas bengat difendiu e chi bengant difendius puru is traballantis sadrus". Pedint un'impegnu prus forti, in nòmimi de s'autonomia regionali decretada de su statutu, po "una legislazioni chi cunfirmit, cun su dinai nezzessariu, s'importànzia meda manna de sa formazioni culturali de s'iscola politica sadra".

Agata su testu: http://precariscuolacagliari.blogspot.com/2009/11/petizione-contro-la-distruzione-della.html