Sanidadi: Barracciu (Pd), "Is Riformatori insidiant pensamentus po una perdida de dinai falsa"

(IlMinuto) - Casteddu, 16 de su mes''e totussantus - "Sa situazioni de sa sanidadi designada de is "Riformatori" est de parti e senz''e basis beras". Ddu narat cun d'una nota sa vice-presidenti de sa "Commissione Bilancio" in Consillu regionali Francesca Barracciu. "Est arribbau su momentu - narat s'esponenti de su Pd - chi s'Assessorau de cumpetènzia pongat a disposizioni de is "Commissioni Bilancio e Sanità" is consuntivus de su 2008 (giai aprovaus) e is preconsuntivus de su 2009, ùnicus documentus de is calis si podit cumprendi comenti funt diaderu is nùmerus de sa sanidadi sadra". "Is Riformatori - finit sa Barracciu - insidiant pensamentus po una perdita de dinai falsa scéti po finiri de pressi una riforma de sa sanidadi fatta cun formas illegittimas e incostituzionalis. Riformas chi, privendi de s'incarrigu is direzionis aziendalis senz'ai fattu una valutazioni de meritu de s'attividadi fatta (...), at a portai a fai cresci meda is ispesas de sa sanidadi".