Vertenza Alcoa: Prc, po nudda bellas su chi at fattu a pulizia

(IlMinuto) - Casteddu, 19 de su mes''e totussantus - "S'acórdiu fattu ariseru in Roma cun su ministeru de is "Attività produttive" po sa continuidadi de sa produzioni de s'allumìniu in s'istabilimentu de s'Alcoa de Portovesmi at a portai certamenti, si is impegnus e is percursus chi funti stetius istabilius ant essi sighius, unu pagu de respiru, no scéti po is traballantis de sa produzioni, ma po su territoriu intrèu, chi sufrit de unu collassu in su settori econòmicu e in cussu de s'ocupazioni. Ddu narant cun d'unu cumunicau su segretariu regionali de su Prc, Gianni Fresu, e su responsàbbili regionali de su "Dipartimento Lavoro" de Rifondazione comunista, Vittorio Macrì. "S'ùnica nota istonada - si podit liggiri in sa nota - esti stetiu su comportamentu de sa pulizia. Comenti Partidu de sa "Rifondazione comunista" pensaus ca no siant po nudda bellas ca a facc''e sa dimanda de traballu e a facc''e sa circustànzia tragica de is traballantis si possat arrespundi cun is corpus de sa pulizia".