Zuncheddu (Rossomori): no a torrai a oberriri su presoni ispeciali de S'Asinàra

(IlMinuto) – Casteddu, 9 de su mes''e totussantus - "Mentris in Consillu Regionali s'est votada sa mozioni po su diritu de is presoneris sadrus a scontai sa própriu pena in s'isola, in modu de agiudai sa suferénzia e s'incòmodu de is famílias, su Ministru Alfano bollit torrai agoa de annus faendi sa proposta de torrai a oberriri S'Asinàra comenti presoni ispeciali e torrendi a fai arribbai in sa nostra isola su peus de sa delincuénzia internazionali, imbrutendi sa soziedadi e s'economia". Ddu narat cun d'una nota su consilleri de is Rossomori Claudia Zuncheddu. "Asuba de su Parcu de S'Asinàra e de su dinai investiu po sa difesa de s'ambienti e de s'ecosistema po creai unu modellu de isviluppu ambientali e compatibili - sighit sa sardista de sinistra - su  Ministru bollit 'torrai a ocupai' unu de is logus prus bellus de su territoriu sadru". "Minustru Alfano  - serrat Zuncheddu - no est custa sa stagioni de pigai is 'corpus 'e soli' e àncora de mancu si podit abbusai de su cumprendóriu e de sa passiénzia de is sadrus e de is istutuzionis nostras".