Catalogna: 94,9 po centu de Sì a su referendum po s'indipendenzia. Gioventudi indipendentista: "Un'esempiu essenziali"

(IlMinuto) - Casteddu, 29 de su mes''e paschixèdda - 94,9 po centu de Sì, 3,2 de No e 1,9 po centu de ischedas biancas e annulladas. Funt custus is resultaus de su referendum po s'indipendenzia de sa Catalogna chi su 13 de su mes''e paschixèdda - a pustis de sa primu torrada de votus de su 13 de su mes''e cabudanni in Areny de Mut - at interessau 166 comunus catalanus e 200 milla elettoris (su 30 po centu de is personas chi tenint su dirittu de votu). Su resultau de su votu - chi no esti stetiu arreconnotu de su stadu spagnolu - esti unu signu meda positivu po sa Gioventudi indipendentista sadra, un'organizzazioni "chi at osservau" su referendum. "S'esempiu catalanu - si podit liggiri in d'una nota - at essi essenziali po ammostai una borta po sempiri comenti sa voluntadi de su populu possat superai is impedimentus chi si bollint ponni tra nosu e su caminu nostru de indipendenzia".