Dannu de is ferruvias: Filt Cgil, "Vizenda chi depit fai pensai a totus. Sa ferruvia "a scartamento ridotto" est de sa Regioni: si assegurint is controllus"

21 Mese de idas 2009
(IlMinuto) - Casteddu, 21 de su mes''e paschixèdda - "Sa Filt Cgil ammostat unu dabori mannu a sa famiglia Solinas po cantu accadessiu in sa bessida de sa galleria de Scala di Giocca. Incidenti tra cussus (...) chi no est possibili previdiri. Difatis parrit ca s'ammassu si siat stacau de sa roca própriu candu su trenu est bessiu de sa galleria, senz''e lassai possibbilidadi de manuvra a su macchinista". Aici su sindacalista de sa Filt Cgil, Arnaldo Boeddu, cummentat s'incidenti de is ferruvias de sàbudu, candu at perdiu sa vida su ferrovieri Giuseppe Solinas. "Custu fattu - sighit Boeddu - si depit fai pensai a totus. Is Ferruvias de su Stadu, e prus 'e totu Rfi (...) no depint lassai su Nord Sardigna. Est nezzessariu fai berìficas in totu sa rezza sadra. Po custu sa Filt Cgil s'est giai mòvia po pediri un'atòbiu apretosu po connosciri claramenti comenti est suzzediu su fattu. Infinis, cunsidearu ca in su Nord de s'isola nostra ddoi est puru sa Ferruvia "a scartamento ridotto", chi est totu de sa Regioni Sardigna, sa Filt Cgil pedit a sa Giunta de s'interessai po fai totus is berìficas in custa rezza de is ferruvias".
© RIPRODUZIONE RISERVATA
Tags