Irs Aristanis: Giunta provinziali decidit de fai una rotonda in su situ prenuragicu

(IlMinuto) – Casteddu, 1 de su mes''e paschixèdda - Po decisioni de sa Giunta provinziali de Aristanis in d'una parti de su situ archeológicu prenuragicu de "Sa Osa" at a nasci una rotonda. Ddu dinunziant cun d'unu comunicau stampa is ativistas de s'Irs Mariano Serra e Marco Cardia. "Su centru de atividadi de s'Irs de Aristanis - si podit liggiri in sa nota - ritenit ca ddoi siat s'intenzioni de serrai custa partida debrèssi scéti po si fai propaganda biu ca s'agataus acanta de rinnovu de s'Assembrea provinziali". "Irs - sighit su comunicau - est de sempri favorabili a finiri su ponti de Brabau chi depiat essi fattu giai prus de  bint'annus fait, ma custu s'ammostat s'insuficiènzia de su sistema italianu e de cusseguénzia de cussu sadru, chi no si scit adatai a is eventus cun elasticidadi. In calisisiat ateru logu civili a s'incras de una crobànzia archeológica iat essi stetiu istudiadu e progetau un'ateru modu de fai sa rotonda.