A Manca: presidiu de Annunóu in Siano po esprimiri solidariedadi a Bellomonte. Sa dinunzia: "Su stadu italianu violat is leis de cuss''e totu"

(IlMinuto) - Casteddu, 23 de su mes''e paschixèdda - A Manca pro s'Indipendentzia no s'iscarescit de Bruno Bellomonte, su dirigenti de su movimentu indipendentista arrestau in su mes''e làmpadas cun cussu chi AMpI definit "unu pretestu de fantasia, cussu de essiri s'organizzadori de un'attentau mai fattu a su G8" e de su mes''e argiolas presoneri atesu, in su presoni calabresu de Siano. Su 30 de su mes''e paschixèdda una delegazioni de su movimentu at a partiri po sa Calabria cun s'iscopu de manifestai a facc''e su presoni aundi est Bellomonte. "Su cumpangiu nostru - si podit liggiri in d'una nota - no at mai aprontau un'attentau, perou su statu italianu, chi reprimit, tenit sempiri su  bisóngiu de imbentai teoremas e cumprotus po acafai su
movimentu indipendentista sadru. Su presidiu chi at essi aprontau a facc''e su presoni in sa notti de Annunóu no at essi scéti unu modu po esprimiri solidariedadi e vicinanzia a su cumpangiu Bellomonte. Custu bollit essi puru unu modu po dinunziai ancora su chi su statu italianu fait cun is leis de cuss''e totu, leis chi violat in manera brigungiosa e criminali. A su cumpangiu nostru, comenti a is aterus presoneris sadrus - sighit sa nota - benit negada sa mesura de "territorialità" de sa pena, istabbilia de su ministeru de giustizia italianu e a pustis ratificada de su protocollo de intesa Stadu-Regioni".