"Nucleari? No". In 400 a sa manifestada de A Manca. Cras in Casteddu àtera mobilitazioni "no nuke"
(IlMinuto) - Casteddu, 7 de su mes''e paschixèdda - Funti stetias circa 400 is personas chi sàbudu ant dimùstrau, in is istradas de Casteddu, contra a su nucleari in Sardigna in su cursu de sa manifestada aprontada de A Manca pro s'Indipendentzia. Su movimentu indipendentista - si podit liggi in d'una nota - "arringraziat a is 400 sadrus chi mancai ddoi siat stetia una censura meda forti de parti de is mezus de informazioni, funt arribbaus de
totu s'Isola po manifestai contra a su nucleari e a s'eolicu foras de contu, e po nai cun claresa ca est arribbau su momentu de fai balli su diritu a sa soverania nazionali e energetica de su pòpulu nostru". "Sa manifestada - sighit su documentu - s'est tenta in su coru de sa citadi e is citadinus funti stetius informaus de su perìgulu seriu chi su stadu italianu possat decidi de poniri is centralis nuclearis e is depósitus de ferrinas in is zonas militaris e in is logus chi sufrint de prus. "A Manca - narat su comunicau - at decidiu de cabai in prazza po movi is àcuas, puru poita nemus tra cussus chi ant chistionau de cumbatai su nucleari at decidiu finzas a custu momentu de cumenzai unu caminu de lota e de aprontai su terrenu po una mobilitada forti e de totus". A is fueddus de Ugo Cappellacci no est finzas a imoi sighiu nesciunu fattu de valori de parti de sa Giunta. Est de is diris passadas s'interrogazioni presentada in Consillu regionali (sa primu firma est de Claudia Zuncheddu de is Rossomori) chi pedit a su Presidenti de sa Regioni "poita no at impunnau sa lei 93 de su 2009 po fai recursu a sa Corti costituzionali" contra a sa torrada de su nucleari in Itàlia, aici comenti ant fattu is presidentis de sa Campania, de su Laziu, de su Piemonti, de sa Puglia, de s'Emilia Romagna, de sa Toscana, de sa Calabria, de sa Liguria, de is Marche, de su Molise, de s'Umbria e de sa Basilicata. Sa lota contra a is centralis nuclearis e a is depósitus de ferrinas in Sardigna at a sighiri puru cras. Su "Comitato Antinucleare", cun su slogan "un'arrisu sardonicu s'at interrai", at aprontau un'àtera manifestada "no nuke" in Casteddu (pratza Carmine, 17.00). Sa cosa s'at a oberri cun d'unu dibbatidu - cun sa participazioni de istudiosus comenti Luciano Burderi - e at a sighiri cun d'unu cuncertu de Rossella Faa, de Mario Sandro Mossa Quintet, de Alma Mediterranea, de Erotik Monkey e de Simona Deidda Sound.
totu s'Isola po manifestai contra a su nucleari e a s'eolicu foras de contu, e po nai cun claresa ca est arribbau su momentu de fai balli su diritu a sa soverania nazionali e energetica de su pòpulu nostru". "Sa manifestada - sighit su documentu - s'est tenta in su coru de sa citadi e is citadinus funti stetius informaus de su perìgulu seriu chi su stadu italianu possat decidi de poniri is centralis nuclearis e is depósitus de ferrinas in is zonas militaris e in is logus chi sufrint de prus. "A Manca - narat su comunicau - at decidiu de cabai in prazza po movi is àcuas, puru poita nemus tra cussus chi ant chistionau de cumbatai su nucleari at decidiu finzas a custu momentu de cumenzai unu caminu de lota e de aprontai su terrenu po una mobilitada forti e de totus". A is fueddus de Ugo Cappellacci no est finzas a imoi sighiu nesciunu fattu de valori de parti de sa Giunta. Est de is diris passadas s'interrogazioni presentada in Consillu regionali (sa primu firma est de Claudia Zuncheddu de is Rossomori) chi pedit a su Presidenti de sa Regioni "poita no at impunnau sa lei 93 de su 2009 po fai recursu a sa Corti costituzionali" contra a sa torrada de su nucleari in Itàlia, aici comenti ant fattu is presidentis de sa Campania, de su Laziu, de su Piemonti, de sa Puglia, de s'Emilia Romagna, de sa Toscana, de sa Calabria, de sa Liguria, de is Marche, de su Molise, de s'Umbria e de sa Basilicata. Sa lota contra a is centralis nuclearis e a is depósitus de ferrinas in Sardigna at a sighiri puru cras. Su "Comitato Antinucleare", cun su slogan "un'arrisu sardonicu s'at interrai", at aprontau un'àtera manifestada "no nuke" in Casteddu (pratza Carmine, 17.00). Sa cosa s'at a oberri cun d'unu dibbatidu - cun sa participazioni de istudiosus comenti Luciano Burderi - e at a sighiri cun d'unu cuncertu de Rossella Faa, de Mario Sandro Mossa Quintet, de Alma Mediterranea, de Erotik Monkey e de Simona Deidda Sound.
© RIPRODUZIONE RISERVATA