Porcu (Pd) su 2009 de sa Giunta Cappellacci: "Medas prumissas, pagus arrisixeddus e nesciunu arrisurtau"

(IlMinuto) - Casteddu, 28 de su mes''e paschixèdda - "A pustis de dexi mesis de guvernu de su centrudestra sa Sardigna no est torrada a arriri, comenti iat promitiu in sa campagna po is elezionis su presidenti Ugo Cappellacci, perou depit fai is contus cun d'una realidadi economica meda difícili, aggravada de sa mancànzia de unu métodu e de una guida politica chi in custus mesis s'est dimustrada pagu abili e pagu adata a su chi si depit fai". Est custu su giudíziu chi su consilleri regionali de su Pd, Chicco Porcu, donat a su prim'annu de guvernu de Ugo Cappellacci in Sardigna. "Sa Giunta - sighit Porcu - at delegau sa politica a is raportus meda bonus chi ddoi funt cun su Guvernu centrali e duncas at pigau senz''e fai nudda is scantraxadas arribbadas de Palazzu Chigi: de su furtu de su G8 in Sa Maddalena, a is promissas mai mantennias po salvai sa chímica e sa metallurgia in Sardigna, a su fattu prus friscu de su dinai Fas, pigau e a mai torrau a sa Regioni nostra". "S'ùnica promissa mantennia finzas a immoi - finit - est cussa fatta in Àula de su Presidenti Cappellacci, in su cursu de is declarazionis de su programma de guvernu: s'idea de no tenni ideas, po no ammostai a is cittadinus cussu chi si bollit fai".