Prc e Pdci: puru in Sardigna nascit sa Federazioni. Cras assembrea cun Paolo Ferrero

(IlMinuto) - Casteddu, 11 de mes''e paschixèdda - Andat innantis sa "Federazione della Sinistra": su progetu politicu de su Partidu de sa Rifondazione Comunista, de su Pdci, de Socialimo 2000 e de Lavoro e Società. Cras, a partiri de is 9.30, in su teatru de su "Dopolavoro Ferroviario" in Casteddu - in via Sassari 12 - s'at a tenni s'assembrea po costituiri sa Federazioni in Sardigna. "A s'assembrea ant a partezipai - si podit liggiri in d'una nota - is traballantis in lota, comitaus e associazionis, organizzazionis sindacalis e rappresentantis de sa cultura sadra". Ant essi presentis is segretarius regionalis de Pdci e Prc, Claudio Giorgi e Gianni Fresu, Giampaolo Patta de s'associazioni "Lavoro e Società", Pino Sgobio de sa Direzioni nazionali de is comunistas italianus e su segretariu nazionali de su Prc Paolo Ferrero. "At essi nezzessariu - at nau in is diris passadas Ferrero - uniri sa sinistra in basi a una clara alternativa a sa destra po donai un'arrespusta a sa crisi".