Presoni de Buoncammino: sa littera de Pasquale Stochino, "Agiudaimì, no bollu morri in presoni"

23 Mese de idas 2009
(IlMinuto) - Casteddu. 23 de su mes''e paschixèdda - "De diversas cidas is maladias mias si funt aggravadas meda. Prusatotu su "neurinoma" chi m'ant riconòsciu quattru annus fait m'est causendi, si puru pighi is mexinas "antidolorifici", daboris fortis a sa conca e puru a is cambas e a is peis. (...). Prus de totu custu, su mali a is origas s'est aggravau finzas a mi fai interrùmpiri is comunicazionis a su telefunu cun sa famiglia mia. No arrennesciu prus a intendi cussu chi mi narant. No intendi mi tenit sempiri in ansia". Est cantu iscririt Pasquale Stochino, de Arthana, presoneri in su "Centro Clinico" de Buoncammino, in d'una litera a sa presidenti de s'associazioni Socialismo Diritti Riforme Maria Grazia Caligaris.
Pasquale Stochino, chi at a fai 76 annus tra calincunu mesi, no tenit scéti unu tumori, tenit puru una un'"infezione da cervicoartrosi sintomatica, artrosi della colonna e discopatia”. "A pustis de s'aggraviu de is maladias mias - at iscrittu ancora s'anzianu presoneri de Arthana - depu pigai sempiri mexinas po mi calmai e depu fai punturas de "antidolorifico". (...) Quattrus annus fait m'ant nau ca tengu custu "neurinoma". Mario Sanna, su dotori meda famosu chi in su mes''e austu m'at visitau in Tàtari, in su certificau at iscrittu ca (...) 'no est consillau de tenni su pazienti in presoni'. Si s'aggravat ancora sa saludi mia, e chi m'ammancant ateras possibilidadis, deu pedu de essi trasferiu a su "centro clinico" de su Presoni de Parma, aicci possu essi prus acanta a Piacenza, aundi m'ant nau ca ddoi est sa clinica po mi fai s'operazioni. Is suferenzias chi seu bivendi funt meda grais (...), agiudaimì. No bollu morri in presoni".
© RIPRODUZIONE RISERVATA
Tags