Rifondazione comunista Mejlogu: cabai is manus de sa sedi Inps de Tièsi

(IlMinuto) – Casteddu, 29 de su mes''e paschixèdda - Nonostanti sa possíbbili serradura de su bilànciu de s'Inps cun sesi o seti milliardus de eurus de ativu, su futuru de sa sedi de s'Institutu de previdénzia a Tièsi est ancora meda dubbiosu. Ddu dinunziat cun d'una nota Mauro Piredda de Rifondazione comunista de su Mejlogu. "S'Inps - scririt Piredda - serrat is contus in ativu po mori de is traballantis chi andant in pensioni sempiri prus a tradu (...). Ma ancora nudda si scit de su futuru de sa sedi Inps de Tièsi". "Ita suzedit - dimandat Piredda - si si serrant s'agenzia de s'Inps de Tièsi? Susezedit ca po is pràtigas de is pensionis, de sa maladia e de sa disocupazioni is cittadinus de Bànari, Bessùde, Bunnànnaru, Onòrva, Borùta, Cherèmule, Cossoine, Giave, Mara, Padria, Puttumaggiore, Semestene, Siligo, Turràlva e de Tièsi e totus ant essi custrintus a andai (...) in Tàtari o in Utieri". "Custu scioberu - spiegat Piredda - chi benit de is capus mannus de s'Institutu at a tocai a totus: traballantis, artesanus, imprenditoris piticus, ma at a tocai de prus cussus disocupaus, inocupaus, pensionaus e diversamenti abilis de su territoriu nostru chi in sa sedi de Tièsi bint unu importanti puntu de appoggiu. Custa parti de is cittadinus iat a tenni apretu mannu a si spostai ancora prus atesu e diffizilmenti iat a podi acodiri a fai is próprius documentus atréssu de Internet".