Sa Sardigna calat in prazza po nai no a su nucleari. Sàbudu a merì in Casteddu sa manifestazioni de A Manca

(IlMinuto) – Casteddu, 1 de su mes''e paschixèdda - "Sardigna iskidati!". Est custu s'apellu chi A Manca pro s'Indipendentzia fait a su populu sadru: un'apellu a partizipai a sa manifestazioni nazionali po nai no a su nucleari chi su movimentu indipendentista at aprontau po sàbudu 5 de su mes''e  paschixèdda in Casteddu, cun bessida a is 16.00 de prazza Yenne. "No teneus bisóngiu - spiegat una nota de Amp - de depi scioberai tra una produzioni de energia chi strupiat su logu e una produzioni de energia chi fait benni su cancru e chi arregalat sa morti: ddu scideais ca sa Sardigna est giai indipendenti in matéria de energia, energia chi bendit a foras de su territoriu?". "Sa terra nostra est ancora una borta ogetu de s'aciocu colonialista", si podit liggiri in su testu. "De tropu tempus is fazzenderis de continenti arribbant in Sardigna po s'acucuai beni is busciacas cun sa farsa de is progetus industrialis pantuma (...) e immoi pretendint de si donai comenti arrecumpenza puru su nucleari!". Po agiudai sa participazioni a sa manifestazioni de su 5 de su mes''e paschixèdda A Manca at aprontau is bus de Tàtari, de Nùgoro e de Terranòa.

Po ndi sciri de prus:

Tàtari (338 215 4200)
Nùgoro (328 813 4869)
Terranòa (349 116 9730)