Sanidadi in is presonis: Caligaris (Sdr) "Cappellacci intervengat. A arriscu su dirittu a sa saludi de is presoneris"

(IlMinuto) – Casteddu, 18 de su mes''e paschixèdda - "Su presidenti de sa Regioni at trascurau sa gravidadi de sa cundizioni de sa sanidadi in is presonis de sa Sardigna. Sa cunfirma arribbat de su vicepresidenti de su Consillu regionali, Michele Cossa, chi at dinunziau povinzas s'annullamentu de sa convocazioni de sa Commissioni paritetica Stadu-Regioni po su cambiu de is cumpeténzias. Unu provvedimentu chi no pigat in cunsidériu sa realtadi de is presonis chi s'agatant sempiri prus in cundizionis pietosas, presonis aundi s'arriscat de sborrai su dirittu a sa saludi de is presoneris". Ddu narat Maria Grazia Caligaris, presidenti de s'associazioni Socialismo Diritti Riforme. S'esponenti socialista inzuzulat un'interventu dezisu de su presidenti de sa Regioni in is cunfrontus de su Guvernu. "Est nezzessariu - spiegat s'ex consillera regionali -, de parti de su Guvernu, iscabbulli allestru su millioni de euru donau de s'assessorau regionali de sa "Sanità" po agiudai sa chistioni meda grai de sa sanidadi in is presonis de s'Isola".