Tàtari: mercuris sit in de Su sindacadu sadru contra a sa crisi e po sa territorialidadi de sa pena. A Manca: azaminu de su dna po Bellomonte

28 Mese de idas 2009
(IlMinuto) - Casteddu, 28 de su mes''e paschixèdda - "Sa crisi economica at aggravau, puru in Sardigna, s'esclusioni de milla e milla traballantis de su cìrculu de sa produzioni e cun is lissenziamentus e su precariau at fattu diventai pagu segura e sugeta a ammalezzu sa vida de is traballantis sadrus e de is traballantis chi po distinu insoru faint calincuna cosa in Sardigna. Su Sindacau de sa Natzione Sarda e S''Ufficio Studi Nino Gramsci' promovint unu sit-in de mobilitazioni e de lota contra a sa possibbilidadi de fai pagai a is traballantis e a is familias insoru su préziu de su sciàsciu, aundi su neoliberismu at portau una parti meda manna de s'umanidadi". Cun custus fueddus su responsàbbili de s'"Ufficio studi Nino Gramsci", Anghelu Marras, disignat s'efetu chi sa crisi economica at tentu in Sardigna e pedit de adiriri a sa manifestazioni chi s'at a tenni mércuris in Tàtari in Prazza d'Italia, in ocasioni de "Piatta Sardigna". Su presidiu aprontau de su Sindacadu s'at a tenni contemporaneamenti a cussu de A Manca in su presoni de Siano, aundi de su mes''e argiolas est presoneri Bruno Bellomonte. "A su cumpangiu Bellomonte - si podit liggiri in d'una nota de s'organizzazioni sindacali - comenti a medas presoneris sadrus, est negada s'aprigu de sa territorialidadi de sa pena, ratificada de su protocollu de Intesa Stadu-Regioni". Perou no est totu, poita in is diris passadas, denunziat aMpI, senz''e una spiegazioni, a Bellomonte ant fattu s'esàmini de su dna. "A su patriota sadru - si podit liggiri in d'una nota de A Manca - chi de seti mesis s'agatat in su presoni de Siano-Catanzaro ant impostu (...) s'esàmini de su dna. Un cosa previdia de sa lei italiana po sa culpa de "banda armata", perou senz''e spiegazionis validas in su casu de Bruno, acusau de ai 'pensau' de bolli fai un'atentau in su cursu de su G8 chi depiat essi tentu in Sa Maddalena, perou, seguramenti, no de dd'ai fattu".
© RIPRODUZIONE RISERVATA
Tags