Acuntéssia Bellomonte: puru S'Alighera po sa "territorialidadi de sa pena"

(IlMinuto) – Casteddu, 30 de su mes''e gennargiu - Puru S'Alighera est po sa "territorialidadi de sa pena". In is diris passadas su consillu comunali de sa cittadi catalana, grazias a s'avansamentu de su rappresentanti de "Alghero Viva", Valdo Di Nolfo, at aprovau a s'unanimidadi un'odg chi pedit s'arrispetu de sa lei 354 de su 1975 e su protocollu de intesa tra Stadu e Regioni de su 2006. In àula Di Nolfo at arregordau sa situazioni de Bruno Bellomonte "cittadinu sadru chi de otu mesis - scririt su consilleri - iscontat sa presonia cautelari a foras de sa Sardigna (primu in Roma e a pustis in Catanzaru) sighendi sa normativa". In is últimas cidas su acuntéssia Bellomonte est torrau a su centru de s'atenzioni de is "media" nazionalis e de su territoriu. "De circa dexi diris liggeus in is principalis giornalis de s'Isola e in cussus italianus - osservat in d'una nota s'ufíciu stampa de aMpI - unus cantus noas chi chistionant de s'organizzazioni politica nostra e de unu de is prus importantis dirigentis nostrus, Bruno Bellomonte. Si fueddat de nosu po mori de un'inchiesta chi sa pulizia politica italiana at fattu po una presunta nascida noa de is Brigate Rosse chi at portau a calincunu arrestu in Italia". Ancora una borta - precisat su comunicau stampa - seus costrìngiuns a arremaciai calincunu cuncetu elementari. Bruno Bellomonte esti stetiu arrestau su 10 de su mes''e làmpadas de su 2009 cun s'acusa de bolli torrai a ponni in motu is Brigate Rosse. De circa seti mesis esti stetiu esiliau in sa galera italiana de Sianu (Catanzaru) aundi abetat assumancu chi ddi bengat cuncessu s'arrispetu de sa territorialidadi de sa pena. S'organizzazioni nostra, a Manca pro s'Indipendentzia, est un'organizzazioni politica indipendentista sadra e lotat po arribbai a tenni sa totali soverania de sa Sardigna, lotat po liberai sa Sardigna de su Stadu Italianu. Bruno Bellomonte de su presoni italianu sighit a participai cun sa própriu resisténzia a custa lota. A nosu no si torrat, a oi, ca is ex o post Brigate Rosse (sempiri chi esistant) apant tentu o tengant comenti obbiettivu ideologicu cussu de bolli essi parti de sa lota de Liberazioni Nazionali e nemancu cussu de s'indipendenzia de sa Sardigna".