Alberghieru de S'Alighera. Giudici a is istudiantis: "De pressi is cuxinas"

(IlMinuto) - Casteddu, 20 de su mes''e gennargiu - "Apa a fai de totu poita bosatrus ias a podi oteniri is cuxinas intru sa fin''e gennargiu". Est cantu at nau su presidenti de sa Provìnzia de Tàtari, Alessandra Giudici, a una delegazioni de istudiantis de s'Istitutu Alberghieru de S'Alighera. "Un'iscola alberghiera senz''e cuxinas est un'iscola a metadi", ant zerriau is picioccheddus de s'Institutu, chi ant manifestau ariseru in prazza d'Italia, a facc''e sa sedi de sa Provìnzia de Tàtari. "Is traballus chi funti stetius donaus in appaltu funt finius - at nau sa presidenti - perou in su trastempus esti stetiu nezzessariu torrai a fai s'impiantu de s'aria. Apa a fai dognia cosa possibbili - at nau Giudici - po fai in modu ca s'impresa rispettit s'impignu de ddu finiri intru sa fin''e custu mesi". Is traballus de s'Alberghieru de S'Alighera funti stetius finanziaus de su pranu triennali de is òperas pùbblicas approvau in su 2008.