Alcoa: Prc (Fresu e Macrì), "Intervengat su Guvernu. Est nezzessariu garantiri sa produzioni"

(IlMinuto) – Casteddu, 20 de su mes''e gennargiu - "Su Guvernu at a depi nai ita si bollit giogai po no fai firmai sa produzioni de s'allumíniu in Italia. Poita sa soluzioni po is traballantis surcitanus e po is familias insoru no podit essi tra s'Alcoa e sa cassa integrazioni. Cun custus fueddus su segretariu regionali de su Prc, Gianni Fresu, e su responsàbbili regionali "Lavoro" de Rifondazione, Vittorio Macrì, sustennint sa decisioni de s'assembrea de ariseru de is traballantis de Alcoa, assembrea chi s'est tenta in Portovesmi, e in sa cali s'est decidiu de pediri s'interventu de su Guvernu po sboddicai sa vertenza. "Sa dimanda fatta de su sindacau de s'Rsu e de is istituzionis territorialis de pediri un'interventu direttu de sa presidenza de su Consillu de is Ministrus atressu unu nou e prus autorevoli cunfrontu - spiegant Fresu e Macrì - depit serbiri po marcai unu passu nou po totu sa vertenza. Su primu impignu chi andat pediu a su Guvernu est cussu de no firmai is istabilimentus (Portovesmi e Fusina) e in alternativa de bloccai is proceduras de cig, ca funt s'anticàmera de sa morti totali".