Bonelli (Verdi): puru sa Sardigna in s'elencu de is centralis nuclearis: "Isfidaus su Guvernu a si sminciri"

(IlMinuto) – Casteddu, 26 de su mes''e gennargiu - Ddoi est puru Aristanis in s'elencu de is centralis nuclearis bófias de su guvernu Berlusconi. Est cantu afirmat cun d'una nota su presidenti nazionali de is "Verdi" Angelo Bonelli. "De is noas chi s'arribbant de su movimentu ecologista francesu - scririt Bonelli - cunfirmaus ca Edf e Enel ant sceberau, po fai is centralis nuclearis bófias de su Guvernu Berlusconi, is logus chi iaus giai fattu connosci e chi funt: Montalto di Castro (Viterbu), Borgo Sabotino (Latina), Trino Vercellese (Vercelli), Caorso (Piacenza), Aristanis, Palma di Montechiaro (AgrigentU), Monfalcone (Gorizia) e Chioggia (Venezia). Isfidaus su Guvernu a si sminciri faendisì connosci sa lista".
"Su nucleari chi su Guvernu bollit impòniri a is italianus - narat su leader de is 'Verdi' - ammarolla in is logus sceberaus no est po nudda baratu e est perigulosu. Po custu sa mobilitazioni nostra contra a unu sceberu chi fait mali a s'Italia at a sighiri cun forza: eus giai arregortu 30milla firmas de aprou po su referendum contra a sa torrada de su nucleari.