Dexi consilleris dissidentis de su Pdl a Cappellacci e Delogu: "Sa Giunta marciat tropu flosciamenti"

(IlMinuto) – Casteddu, 14 de su mes''e gennargiu - "Sa màrcia est tropu adasiada e no rispetat is promissas fattas a is eletoris". Est custa s'acusa chi dexi consilleris regionalis de su Pdl faint a su presidenti de sa Regioni e a sa Giunta cun d'unu documentu mandau a is cumandus romanus de su Partidu. Unu cropu meda grai po Cappellacci, in pérdida de popolaridadi (-4,9 po centu) segundu is datus de s'iscumbatu Ipr-Sole 24 ore. Is dexi consilleris "dissidentis" (Silvestro Ladu, Ignazio Artizzu, Nicolò Rassu, Onorio Petrini, Gian Franco Bardanzellu, Rosanna Floris, Antonio Pitea e Paolo Terzo Sanna) acusant puru su cordinadori regionali, Mariano Delogu, responsàbbili - a cantu nant is ribbellis - de una "gestioni ofuscada" de su Partidu.