Irs si donat critérius nous: "Incàrrigus elettivus e annualis. Su 17 s'assembrea elettiva

(IlMinuto) – Casteddu, 12 de su mes''e gennargiu - "Su bisu de un'indipendenzia beni aprontada e democratica est una realidadi: is documentus nous de s'Irs previdint difatis ca is incàrrigus internus siant scéti elettivus e annualis e at essi de aici po dognia incàrrigu otentu regionali e nazionali". Est cantu narat cun d'una nota su movimentu indipendentista Irs - Repubrica de Sardigna. Su rinnou internu de is critérius de s'Irs at a portai a nomenai s'esecutivu nazionali nou, chi at essi votatu su 17 de su mes''e gennargiu de s'assembrea elettiva de su movimentu (ndr: sa nota no spiegat aundi s'at a tenni s'elezioni).