Lítera de Boe de Spoletu. "Is mercenarius de sa tinta funt is serbidoris de Zuncheddu e De Benedetti"
(IlMinuto) – Casteddu, 15 de su mes''e gennargiu - Matteo Boe, 53 annus, in presoni in Spoletu aundi iscontat una cundenna a 20 annus po ai progetau e pigau parti a su secuestru de Farouk Kassam, oberrit su 2010 cun d'una lítera. In su scrittu, indirizzau a un'amiga e datau 3 de su mes''e gennargiu, s'"ex primula rossa" de sa bandidànscia sadra arremaciat sa propriu fedi politica indipendendista e analizat is raportus tra sa politica e s'informazioni in Sardigna. IlMinuto at sceberau de pubblicai calencunu passu de sa lítera (chi si podit liggi po intreu in sa pagina Facebook de Boe). "Un'ateru annu si nd'esti andau - scririt - e unu nou s'aghillit. S'augúriu est ca a pagu a pagu sa nazioni nostra cumenzit a si ndi scidai de sa seculari drommida aundi est arruta. Su caminu passat atressu s'impignu iniziali de is sugetus prus politicizzaus (...). Sa nostra istoria, sa nostra appartenenzia etnica, sa nostra língua, sa nostra cultura, is nostras batallas bintas e pérdias, is nostrus bisus, su nostru futuru funt su nostru bagàgliu e no ndi podeus fai 'e mancu".
S'esaminu de su mundu chi est atesu de su presoni est aténta a su raportu tra su poderi de sa politica e s'usu atrotoxau de is mezus de comunicazioni. "Cun s'avéntu de is media, conoscius in dognia logu (...), su poderi at tentu un'istrummentu nou e dannósu in términis de domìniu, unu domìniu usau po reprìmiri chi est contrariu in sa disputa soziali e politica (...). Is giornalisteddus ocidentalis - afirmat Boe - afalsant sa realidadi politica e soziali atressu is media de propriedadi de is industrialis, de is petrolieris e de is parlamentaris (...). Puru in sa terra nostra is mercenarius de sa tinta serbint i proprius meris, De Benedetti e Zuncheddu". Po s''ex primula rossa' s'informazioni de centrudestra e cussa de centrusinistra s'agatant in su propriu pranu. "Cun d'unu fintu scontróriu politicu (...) sa Nuova Sardegna favoressit sa burghesia de sinistra. S'Unione Sarda est cun su centrudestra e, tot''e duus (...), contra a su populu".
S'esaminu de su mundu chi est atesu de su presoni est aténta a su raportu tra su poderi de sa politica e s'usu atrotoxau de is mezus de comunicazioni. "Cun s'avéntu de is media, conoscius in dognia logu (...), su poderi at tentu un'istrummentu nou e dannósu in términis de domìniu, unu domìniu usau po reprìmiri chi est contrariu in sa disputa soziali e politica (...). Is giornalisteddus ocidentalis - afirmat Boe - afalsant sa realidadi politica e soziali atressu is media de propriedadi de is industrialis, de is petrolieris e de is parlamentaris (...). Puru in sa terra nostra is mercenarius de sa tinta serbint i proprius meris, De Benedetti e Zuncheddu". Po s''ex primula rossa' s'informazioni de centrudestra e cussa de centrusinistra s'agatant in su propriu pranu. "Cun d'unu fintu scontróriu politicu (...) sa Nuova Sardegna favoressit sa burghesia de sinistra. S'Unione Sarda est cun su centrudestra e, tot''e duus (...), contra a su populu".
© RIPRODUZIONE RISERVATA