Pd: 12 candidaus a is segreterias federalis. In Casteddu su duellu Castangia-Carta

(IlMinuto) – Casteddu, 8 de su mes''e gennargiu - Funt 12 is candidaus a is segreterias federalis de su Pd in s'Isola: is màssimus dirigentis a livellu provinziali ant essi eligius su 16 de su mes''e gennargiu de parti de is iscrittus a su partidu. In cincu de is otu provìnzias (Ogiastra, Tàtari, Campidanu de Mesu e Surcis) su "Partito Democratico" puntat a candidaduras unias, candidaduras de síntesi tra is mozionis de su congressu. S'at a andai in veci a su scontru in sa Provìnzia de Casteddu, cun su cunfruntu tra s'ingegneri elettronicu Thomas Castangia (ex Ds) e s'ex segretariu de sa Margherita Davide Carta, e in cussa de Nùgoro, aundi is candidaus funt s'ex consilleri regionali Giuseppe Pirisi e s'ex sindigu de Orgòsolo Franco Meloni. Duus aspirantis segretarius puru in sa provìnzia galluresa, cun su consilleri comunali de Terranòa, Carlo Careddu, chi ammarranat su sindigu de Oscheri Antonio Perinu.