"Piano carceri": Caligaris (Sdr), "S'esclusioni de sa Sardigna est assurda"

(IlMinuto) – Casteddu, 13 de su mes''e gennargiu - "Su 'piano carceri' nou de su Ministru Angelino Alfano, chi tenit sez''e dúbbiu su méritu de ai cumprendiu, si puru a tradu, su stadu de apretu mannu de is presonis, no podit escluíri sa Sardigna. Bastat pensai a is tardamentus meda grais chi si funt assumaus in sa costruzioni de is edificius nous in Tàtari, Aristanis e Casteddu, a s'ausénzia de un'istitutu po is féminas presoneras e sa mancànzia de azionis po garantiri presonis adatus a aghilliri (...) is presoneris foras de conca, is malàdius de Aids, is drogaus, is personas chi funt diversamenti abilis e is anzianus. Unu progetu sériu depit castiai a sa realidadi de totu s'Italia". Ddu narat sa presidenti de s'associazioni "Socialismo Diritti Riforme" Maria Grazia Caligaris. "Andant beni - narat s'esponenti socialista - is 2milla agentis nous de Polizia  penitenziaria, ma funt diaderus pagus si si pensat ca scéti in Buoncammino ndi mancant 80 e medas de cussus chi ddoi funt si ndi depint andai in pensioni".