Vinyls de Pòrtu Turre: Melis (Pd). "Is bancas si cuant e su Guvernu no est capazzi de fai calincuna cosa cun s'Eni"

(IlMinuto) - Casteddu, 15 de su mes''e gennargiu - "Nonostanti s'acórdiu fattu su 12 de su mes''e totussantus tra su ministeru de su "Sviluppo economico", sa Vinyls e s'Eni, is impiantus de Pòrtu Turre sighint a essi firmus". Ddu dinunziat cun d'una nota su deputau sadru de su Pd Guido Melis. "Is 137 dirigentis de sa Vinyls depint ocupai sa Turri aragonesa de Pòrtu Turre po fai balli is arrexonis insoru. Funt operàjus cualificaus chi no podint traballai in ateras attividadis". "Maravigliat - narat Melis - sa posizioni de is bancas, chi ant dezzìdiu de no donai dinai a un'azienda aici importanti (...). Est comenti unu cani chi si mussiat sa coa: comenti si podit torrai a una situazioni normali senz''e dinai? Est una cosa brigungiosa ca su Guvernu, a pustis de medas declarazionis chi riguardant s'importanzia de cust'industria, no apat nemancu provau a fai calincuna cosa cun s'Eni po is prézius de sa materia prima nezzessaria po sa produzioni".