Cgil: "Vuitton Cup", "sa Regioni billit asuba de is apaltus". Interrogazioni de su Pd

(IlMinuto) – Casteddu, 11 de su mes''e fiàrgiu - Sa Regioni depit billai po is apaltus de is traballus in Sa Madalèna abetendi sa firmada sadra de sa "Vuitton Cup" (22de su mes''e maju-6 de su mes''e làmpadas). Est custu s'imbidu ca su segretariu generali de sa Cgil, Enzo Costa, fait a su presidenti Cappelllacci a pustis de cantu est bénniu a foras de is inchiestas fattas po is apaltus in ocasioni de su G8.
"Beneus a sciri cun trambullu - precisat Costa - comenti funt andendi is inchiestas de Sa Madalèna a sa luxi de s'arrestu de Angelo Balducci e de su cúmpudu de s'ufíciu e de sa domu de Guido Bertolaso. Est nezzessariu - spiegat Costa - ca sa Regioni billit asuba de cantu acadessit (...) in riferimentu a sa lei chi iat a trasformai sa "Protezione civile" in d'una spa a capitali pubblicu, una soziedadi chi diaci iat a tenni comenti capu su Presidenti de su Consillu". "Seus allarmaus - concluit su segretariu de sa Cgil - poita su bancu de prova de sa spa iat essi própriu Sa Madalèna, unu territoriu giai traíxiu de su G8 e de s'avatanti abbandonu de is òperas fattas po s'atóbiu de su G8", is parlamentaris de su Pd ant presentau un'interrogazioni "a arrespusta scrita" a su Guvernu (primu firma cussa de Giulio Calvisi).