Immigrazioni: installada sa Consulta regionali

(IlMinuto) – Casteddu, 9 de su mes''e fiàrgiu - "Po Integrai sa genti furistera est importanti puru a si cunsiderai totus cittadinus de custu mundixeddu". Est cantu at afirmau ariseru in via XXVIII febbraio, in Casteddu, s'assessori regionali de su "Lavoro", Franco Manca, in s'atóbiu de investidura de sa Consulta regionali po s'Immigrazioni. De sa Consulta, guidada de s'esponenti de sa Giunta regionali, faint parti is rappresentantis de is comunidadis de is immigraus in Sardigna, de is organizzazionis sindacalis e de is meris de su traballu, de is associazionis de assistu e de calincunu espertu in materia de immigrazioni. In su 2010 sa Regioni at a ponni 1.200.000 eurus a disposta de is Provìnzias - ca po lei si ocupant de is tratamentus cun su mundu de s'immigrazioni - e po su cumprimentu de  is studius e de is progetus in materia.