Nucleari: A Manca at a sustenni su referendum promòviu de Sni

(IlMinuto) – Casteddu, 10 de su mes''e fiàrgiu - "A Manca pro s'Indipendentzia at a sustenni su referendum promòviu de Sni cun d'una campagna de informazioni in totu s'Isola spieghendi is perígulus realis acapiaus a sa produzioni atomica e a is depósitus de is ferrinas, richiamendi is traballantis sadrus a mobilitazionis noas in prazza". Est cantu afirmat cun d'una nota s'imbasciadori nazionali de A Manca pro s'indipendentzia, Cristiano Sabino, a pustis de sa presentazioni in Tribbunali, fatta de Sardigna Natzione, de casi 17milla firmas po sustenni su referendum contra a sa presénzia de su nucleari in Sardigna. "Tocat a nai - spiegat Sabino - ca sa totali mancànzia de soverania no donat sa possibbilidadi de fai unu referendum chi tengat valori legali e custu rappresentat una clara violazioni de su diritu de su populu sadru a decídiri po is politicas aintru a su própriu territoriu nazionali. Scideus - precisat s'esponenti de A Manca - ca scéti cun s'atuamentu nazionali de su populu sadru atressu s'afotiamentu de is forzas indipendentistas arrabbellis s'at a podi impediri su destrossu nucleari de sa terra nostra".