Istória Sauvage. Caligaris (Sdr): "Senténzia foras de contu"

(IlMinuto) - Casteddu, 12 de su mes''e marzu - "De abarrai a buca oberta". Cun custus fueddus su presidenti de s'Associazioni "Socialismo Diritto e Riforme", Maria Grazia Caligaris, definit sa senténzia chi at cundennau sa citadina de su Belgiu Melissa Sauvage a cuatr'annus e ot'annus de presoni po tràvigu e pussessu de droga.
"Senz''e ateras cundènnas, narat s'esponenti socialista - de casi dex'annus in presoni, narat de essi innocenti, esti stetia bogada de presoni de s'ex sposu, e tenit una saludi maladia poita tenit su cancru, est apensamentàda meda po sa mama chi esti imbriagona e est disisperada po sa mancanzia de sa fillixedda chi tenit pagus annus e esti stetia donada in custódia a una zia in Belgiu. Melissa Sauvage perou no esti stetia crétia de su giugi (...)".
"Sa giovunedda - ispiegat sa Caligaris - no arrannèscit a superai s'azíchidu po una senténzia chi cuss''e totu creit ca no siat giusta e chi dda custringit a abarrai atesu de sa filla e de sa família. Po chini comenti nosu dda connoscit beni custa est una senténzia chi si lassat a buca oberta".
"Sa certèsa de essi innocenti - narat s'ex consillera - dd'at fatta renunziai a tratai, una cosa chi at ai amenguau sa pena a su puntu de portai a su spresonaméntu.