Tuvixeddu-Tuvumannu. Interrogazioni de Sinistra-Rossomori e Idv

(IlMinuto) – Casteddu, 2 de su mes''e marzu - Sa chistioni de sa tutela de sa necropoli feniciu-punica de Tuvixeddu-Tuvumannu at a intrai in Consillu regionali. Is rappresentantis de is gruppus de sa Sinistra- Rossomori e de s'Italia dei Valori ant difatis presentau un'interrogazioni chi previdit un'arrespusta de sa Giunta regionali.
A sa luxi de sa senténzia de su Consillu de Stadu de pagu tempus fait, chi cunfirmat s'annullamentu de su permissu donau de su comunu de Casteddu po un'interventu in s'area, is consilleris pedint a s'esecutivu regionali de "fai dognia cosa necessària po evitai sa costruzioni de dognia òpera o ateru manígiu in s'area de Tuvixeddu-Tuvumannu, scabillendi dognia arriscu de cumpromiti ancora de prus sa necropoli".