Deximu Mannu: àcuas impestadas de 30milla litrus de cherosene. "Gettiamo le Basi": "Boluntadi disapiedada de lassai is popolazionis a su scuriu de is arriscus de is basis de guerra"

(IlMinuto) – Casteddu, 26 de su mes''e arbili - "Cititus citius, calmus calmus, is capu mannus de s'esérzitu, is ministrus, s'Arpas, is Asl, is istituzionis 'democràticas' e is autoridadis de cumpeténzia, de su 2007 a oi, funt arrennescias a no fai sciri nudda, de s'impestamentu e de is cusseguénzias sanitarias de is basis de guerra". Cun custus fueddus su Comitau sadru "Gettiamo le Basi" cummentat s'artículu "Decimomannu. Da due anni in corso la bonifica del sottosuolo: spesi 900 mila euro. Falde d’acqua inquinate dall’aeroporto. Per un guasto nella base dispersi 30 mila litri di cherosene" pubblicau sàbudu 24 de su mes''e arbili de s'"Unione Sarda". Is traballus de bonífica - si ligit in s'artículu de Paolo Carta - ddoi funt de duus annus e funt costaus 900milla eurus. A causai s'impestadura de is venas de s'àcua funti stetias duas perdidas - in su 2007 e in su 2009 - de s'impiantu de fornidura de is aereus.
Sa protesta de su Comintau guidau de Mariella Cau est firma. "Si mai iat a benni a sa luxi un'aumentu strambecu de patologias - si ligit in d'una nota - iat a torrai atuali s'ispiegazioni uficiali donada de su team de scienziaus sceberaus de sa Regioni (giunta Soru) po is mortus de "linfoma no Hodgkin in Quirra, Teulada, Sa Madalèna: 'classis prus artas de stadu sociali e economicu, de urbanizzazioni, melloria de is diàgnosis'".