Su Sindacadu: "Su centru sinistra de Tàtari no donat su votu a is strangeris"

(IlMinuto) - Casteddu, 19 de su mes''e arbili - Su Consillu comunali de  Tàtari no oberrit s'enna a is strangeris "extracomunitarius". S'assembrea citadina, atobiada su 13 de su mes''e arbili passau, at difatis vitau de s'espressai - faendi mancai su númeru legali - po donai su diritu de votu a is strangeris extracomunitarius chi funt residentis in citadi e chi iant ai poziu eligiri unu "consilleri comunali aciuntu" po is elezionis de su 30 e de su 31 de su mes''e maju. Est cantu denunciat cun d'unu comunicau su Sindacadu de sa Natzione Sarda.
"Est una bregúngia mala", si ligit in d'una nota. "In Tàtari su centru sinistra at bullau su diritu a su votu po is strangeris".
"De is crònacas - ispiegat in d'una nota su grupu sindacali - si podit sciri ca su métodu adotau po vitai s'impignu de is consilleris de sa majoria in s'odg, esti stetiu cussu de bessiri de s'àula e fai mancai su númeru legali".
"Sighendi sa própriu línia de sa destra razista - ispiegat Su Sindacadu - puru una parti de sa majoria e de su Pd est bessia de s'àula e at fattu mancai su númeru legali.  A custu puntu est difícili distínghiri tra is isceras certas de sa destra e cussas de unu grupu de centru-sinistra senz''e ideas claras".