Zuncheddu (Rossomori): "Sa serrada de su 'Centro di Procreazione assistita ProMea' fait diferénzias tra féminas"

(IlMinuto) - Casteddu, 20 de su mes''e arbili - " Sa serrada arrepenti e senz''e motivu de su "Centro di Procreazione Medicalmente Assistita ProMeA" at portau isdrobbus meda grais a is personas chi funt in cura e at fertu un'àtera borta is diritus de is féminas sadras". Est cantu narat sa consillera regionali de is Rossomori Claudia Zuncheddu cun d'una interrogazioni fatta po sa serradura in su centru aghilliu in su "Policlinico Città di Quartu" e guidau de s'equipe de su datoris Gandolfi e Mascia.
"Sa serrada de su Centru Pro.Me.A. - narat Zuncheddu - est una cosa chi no si podit acetai poita furiat una prella de su Serbítziu de sa mexina regionali: at difatis garentiu assistu in su campu de sa 'fecondazione assisitita' a su 40 po centu de is personas curadas in totu sa Sardigna. Custu centru sadru meda importanti - sighit sa sardista de sinistra - at permítiu a medas cópias no scéti sadras, ma puru continentalis de podi fai fillus".
Zuncheddu denunciat ancora una borta is diferénzias fattas contra a is féminas sadras, "a is calis benit negau - ispiegat - su diritu de indipendenzia e de assistu in sa terra insoru, in prus ddoi est sa pérdida senz''e motivu po sa Sardigna de unu centru meda importanti e de fama manna puru a foras de istadu.
"Ma custu scioberu - pedit - at essi su 'frutu avelenau' de is cosas chi si narant in is ambientis 'pseudu-catolicus' acapiaus a is poderis de s'economia de su Vaticanu e pompiadas de is ambientis de centru-destra?".