Circustànzia Bussu: bullada sa dimanda de arrestu de su pm. Sa solidariedadi de Sni e aMpI

(IlMinuto) – Casteddu, 5 de su mes''e maju - "Connosceus beni Francesco Bussu, síndhigu indipendentista de Lodìne, sendu assolutamenti segurus de s'onestadi sua, personali, intelletuali e política, Sardigna Natzione Indipendentzia espressat sa totali fidúcia in is cunfrontus de su própriu militanti e espressat fidúcia puru in sa   innocénzia sua declarada a fac''e is fattus po mori de is calis esti stetiu arrestau". Cun custus fueddus su cordinadori regionali de Sni, Bustianu Cumpostu, iat espressau in is diris passadas solidariedadi e fidúcia a su síndhigu indipendentista de Lodìne, libberau a pustis de s'arrefudu de su gip de acabidai sa domanda de custódia cautelari de su pm. Puru aMpI iat espressau solidariedadi a Bussu. "A Manca pro s’Indipendentzia - iat scritu primu de su spresonamentu s'imbasciadori nazionali Cristiano Sabino - espressat totali solidariedadi a su síndhigu de Lodìne Franciscu Bussu, chi duas diris fait esti stetiu inserrau in su presoni de Badde e Carros. Connosceus Bussu po sa militanza sua in su movimentu indipendentista, po sa própriu disponibiladi e franchesa e po sa própriu onestadi intelletuali, umana e política. No s'interessat intrai in su méritu de un'acuntéssia chi in dognia modu parrit meda confusa e ambígua, po is modus de recuberamentu de is armas e po diversas boxis de amalezu e ànsias chi ant ingiriau s'atividadi política de Franco".