Elezionis provinzialis. Palomba (Idv): "S'únicu candidau a denunciai is trampas de s'eolicu

(IlMinuto) – Casteddu, 19 de su mes''e maju - "Est axiosu e tristu su mudori acarraxau de parti de totus is candidaus a sa Presidénzia de sa Provìnzia de Casteddu po is intrécius tra 'mafia' e política chi funt trogonendi su Guvernu de destra e chi ant imbrutau puru sa Sardigna". Est cantu afirmat su candidau a sa presidénzia de sa provìnzia de Casteddu de s'Idv, Federico Palomba.
"Si podit cumprendi - sighit Palomba - su modori de is candidaus de su Pdl, ma est difícili ca is eletoris acetint cussu de su candidau presidenti de su Pd, giai presidenti in sa legislatura passada (ndr: Graziano Milia) e de is àterus partidus chi dd'acozant, no cunsiderendi nemmancu s'acuntéssia giudiziaria sua".
"Seu abarrau aici s'únicu candidau a denunciai cun forza is trampas malas chi funt a ingíriu de s'eolicu, puru in Parlamentu. Is eletoris de centru sinistra - concluit s'esponenti de s'Idv - pedint unu rigori meda diversu de custu".