Elezionis in Tàtari. AMpI: "Unu polu agroalimentari po sa Nurra". Cras comíziu in praza Azuni

(IlMinuto) – Casteddu, 27 de su mes''e maju - A Manca pro s'Indipendentzia torrat a partiri de sa massaria e de s'allevamentu. S'organizazioni de sa sinistra indipendentista - presenti cun d'una própriu lista a is elezionis comunalis de Tàtari (candidau a síndhigu Bruno Bellomonte) - proponit difatis su progetu de su polu agroalimentari de sa Nurra e de s'"autosufficienza".
"Su polu agroalimentari de sa Nurra - narat sa Direzioni política nazionali de A Manca - at a portai richesa e at a abasciai is prézius de sa grandu distribuzioni, chi oi tocant livellus chi no si podint poderai asuba de is benis agroalimentaris".
"In su mandau passau - si ligit in d'una nota - Ganau no at mai pigau in cunsidériu s'ipótesi de fai calincuna cosa in su cumpartu de sa massaria, lassendi su nodriamentu de is citadinus a sa grandu distribuzioni".
"Su polu agroalimentari de sa Nurra at a donai - concluint is dirigentis de A Manca - in veci vida a unu círculu virtuosu tra citadi, satu e in is biddas chi funt a s'ingíriu, usendi is mercaus civicus e is "centrus po su cumérciu naturali" (prazas e bias de sa citadi nostra) comenti  logu principali de cumérciu de is prodotus sadrus".
AMpI at a concluiri cras sa própriu campagna eletorali in Tàtari cun d'unu comíziu de serradura in praza Azuni (19.30).