Is sadrus "no fueddant padanu": meda batacollau su comíziu casteddaiu de Castelli e Rizzi
(IlMinuto) – Casteddu, 24 de su mes''e maju - "De custa terra nesciunu s'est mai interessau finzas a candu no est arribbada sa Lega Nord". No furiant de acórdiu cun is afirmaduras de su cummessàriu de sa Lega in Sardigna, Fabio Rizzi, is pagu prus de 400 carcinosus chi ariseru ant aghilliu cun sulitus, slogan e insultus su comíziu leghista in praza Costituzione, in Casteddu.
Furiant scéti 30 in veci is amigus de sa Lega Nord Sardinia, in provìnzia de Casteddu alleada cun su "ingorrosu" Piergiorgio Massidda. Ausenti su segretariu Umberto Bossi, at pigau su postu suu su sotosegretariu a is "Infrastrutture" Roberto Castelli.
"Sardigna no est Padania" si podiat ligi in d'unu de is cartellus portaus de chini, in pagus diris, at aprontau, grazias a Facebook, sa cuntestadura contra a su comíziu leghista. In d'una bandhera su sobi de is alpis de sa bandhera leghista pigàt sa forma de una svastica. Una protesta menispresiada ma paxiosa, nonostanti sa trintina de puliziotus e carabbinéris in avértida.
Nesciunu difatis at circau de impediri de fai fai su comíziu. "Apa a bolli sciri chini s'at pagau!", at nau Giorgio Ladu, s'ex sardista cunvertiu in sa bia de Pontida e immoi candidau po sa Lega po sa presidénzia de sa Provìnzia de Ogiastra.
Massidda, acozau in sa gara po sa presidénzia de sa Provìnzia de Casteddu puru de Fortza Paris, Msi Dn e Destra sociale-Fiamma Tricolore, at ringraziau sa Lega "po ai salvau is 4milla postus de traballu de s'Alcoa", e at serrau a pustis cun d'una frasi dedicada a is antileghistas: "Cussu didu (médiu, ndr) si ddu podeis ponni puru in cuddu logu!".
Furiant scéti 30 in veci is amigus de sa Lega Nord Sardinia, in provìnzia de Casteddu alleada cun su "ingorrosu" Piergiorgio Massidda. Ausenti su segretariu Umberto Bossi, at pigau su postu suu su sotosegretariu a is "Infrastrutture" Roberto Castelli.
"Sardigna no est Padania" si podiat ligi in d'unu de is cartellus portaus de chini, in pagus diris, at aprontau, grazias a Facebook, sa cuntestadura contra a su comíziu leghista. In d'una bandhera su sobi de is alpis de sa bandhera leghista pigàt sa forma de una svastica. Una protesta menispresiada ma paxiosa, nonostanti sa trintina de puliziotus e carabbinéris in avértida.
Nesciunu difatis at circau de impediri de fai fai su comíziu. "Apa a bolli sciri chini s'at pagau!", at nau Giorgio Ladu, s'ex sardista cunvertiu in sa bia de Pontida e immoi candidau po sa Lega po sa presidénzia de sa Provìnzia de Ogiastra.
Massidda, acozau in sa gara po sa presidénzia de sa Provìnzia de Casteddu puru de Fortza Paris, Msi Dn e Destra sociale-Fiamma Tricolore, at ringraziau sa Lega "po ai salvau is 4milla postus de traballu de s'Alcoa", e at serrau a pustis cun d'una frasi dedicada a is antileghistas: "Cussu didu (médiu, ndr) si ddu podeis ponni puru in cuddu logu!".
© RIPRODUZIONE RISERVATA