"Sperantzia de Libertadi" afestat un'annu de atividadi cun su primu torneu casteddaiu de Murra

(IlMinuto) – Casteddu, 7 de su mes''e maju - "Sperantzia de Libertadi", su grupu de is giòvanus de Sardigna Natzione Indipendentzia, fait un'annu. Po afestai is primus 365 diris de atividadi is indipendentistas prus piticus ant aprontau una festa. S'apuntamentu est po cras a merì a is 18.00 in praza Carmine, in Casteddu.
In ocasioni de sa manifestazioni de is piciocus de "Sperantzia" s'at a tenni puru su primu torneu casteddaiu de Murra, chi at a cumenzai a is 21.00. Is primus classificaus ant essi premiaus cun produtus de calidadi chi benint de s'agrualimentari de sa Sardigna.
Is iscrizionis a su torneu funt ancora obertas.

Po ndi sciri de prus: sperantziadelibertadi@gmail.com