Comunalis in Tàtari. Ganau (Pd) batit de meda Sanna (Psdaz). 1,3 po Bellomonte. Sabino ((aMpI): "Est scéti su cominzu"

(IlMinuto) – Casteddu, 1 de su mes''e làmpadas - Su democraticu Gianfranco Ganau at essi su síndhigu de Tàtari po àterus cinc'annus. In sa citadi turritana su centrusinistra (65,94 po centu) at difatis bintu de meda contra a su centrudestra guidau de su sardista Giacomo Sanna (32,75 po centu).
Su candidau indipendentista de sinistra Bruno Bellomonte (aMpI) at otentu s'1,3 po centu de is cunsensus: unu datu chi no est de pagu importànzia. A Bellomonte esti stetiu difatis impediu de participai a is tribbunas eletoralis cun Ganau e Sanna e povinzas de podi votai.
"Unu presoneri políticu - at cummentau s'imbasciadori de aMpI Cristiano Sabino - at pigau 931 votus, est a nai s'1,30 po centu. Una lista costruia in pagus diris, senz''e una campagna eletorali personali, costruia scéti po spingi su candidau suu a síndhigu, at pigau 612 votus. Ma est scéti su principiu".