Presonis. Loddo (5 novembre): "'Buoncammino' est una bomba pronta a sciopai"
(IlMinuto) - Casteddu, 29 de su mes''e làmpadas - "Su presoni de 'Buoncammino' est una bomba pronta a sciopai. Est su presoni de su machiori, de sa droga de sa maladia".
Est cantu at denunciau Roberto Loddo de s'Assóziu 5 novembre "po is diritus civilis" in d'una cuferénzia de imprenta chi s'est tenta ariseru a mangianu a fac''e su presoni casteddaiu.
Su nùmeru meda mannu de genti chi est in Buocammino est su primu apretu de cust'istitutu de pena. "Is presoneris drogaus - at acrarau Loddo - rapresentant su 55 po centu de totu su presoni. Numerosus funt is maladius de Hiv, de epatite B e C e de patologias a sa conca. Is 524 ànimas chi sunfrint po mori de essi tropus funt sa prova bera chi sa giustízia est unu fueddu sbúidu e senz''e sinnificau (sa càbuda màssima de su presoni est de 467 presoneris)".
S'Assóziu "5 novembre" perou no si firmat a sa dinúnzia, ma proponit una bera riforma de su sistema de is presonis regionalis a cumenzai de s'aprigu de su principiu de sa "Territorialità della pena" e de s'istituzioni de su Garanti de is presoneris in Sardigna. "Dimandaus - at precisau Loddo - s'aprou de una lei regionali chi pongat su Garanti regionali po is citadinus privaus de sa libbertadi personali. Intendeus s'abbisóngiu de una terza figura, de fianza e de mediazioni tra su presoni e su presoneri".
Apretosu est puru s'apricu de sa riforma sanitaria in totus is presonis. "Penzaus - at acrarau su rapresentanti de '5 novembre' - ca su presoni depat arrespetai su principiu costituzionali de sa tutela de sa saludi, poita su citadinu presoneri no podit tenni unu tratamentu diversu de su citadinu líbberu".
Est cantu at denunciau Roberto Loddo de s'Assóziu 5 novembre "po is diritus civilis" in d'una cuferénzia de imprenta chi s'est tenta ariseru a mangianu a fac''e su presoni casteddaiu.
Su nùmeru meda mannu de genti chi est in Buocammino est su primu apretu de cust'istitutu de pena. "Is presoneris drogaus - at acrarau Loddo - rapresentant su 55 po centu de totu su presoni. Numerosus funt is maladius de Hiv, de epatite B e C e de patologias a sa conca. Is 524 ànimas chi sunfrint po mori de essi tropus funt sa prova bera chi sa giustízia est unu fueddu sbúidu e senz''e sinnificau (sa càbuda màssima de su presoni est de 467 presoneris)".
S'Assóziu "5 novembre" perou no si firmat a sa dinúnzia, ma proponit una bera riforma de su sistema de is presonis regionalis a cumenzai de s'aprigu de su principiu de sa "Territorialità della pena" e de s'istituzioni de su Garanti de is presoneris in Sardigna. "Dimandaus - at precisau Loddo - s'aprou de una lei regionali chi pongat su Garanti regionali po is citadinus privaus de sa libbertadi personali. Intendeus s'abbisóngiu de una terza figura, de fianza e de mediazioni tra su presoni e su presoneri".
Apretosu est puru s'apricu de sa riforma sanitaria in totus is presonis. "Penzaus - at acrarau su rapresentanti de '5 novembre' - ca su presoni depat arrespetai su principiu costituzionali de sa tutela de sa saludi, poita su citadinu presoneri no podit tenni unu tratamentu diversu de su citadinu líbberu".
© RIPRODUZIONE RISERVATA